Netaajee subhaash chandr bos, aazaad hind phauj aur dakshin poorv eshiya ke pravaasee bhaarateeyon dvaara die gae balidaanon ko bhaarateey itihaas mein nirantar dabaaya gaya ya kuchh raajanaitik netaon, maarksavaadee aur angrejee itihaasakaaron dvaara use tod-marodakar prastut kiya gaya. vaastav mein angrejon ke bhaarat se bhaagane ka aur kaangresee netaon dvaara aazaadee ke sthaan par 15 agast 1947 ke din desh ka vibhaajan aur dominiyan sveekaar kie jaane ke peechhe yah bhay tha ki kaheen subhaash dubaara aazaad hind phauj ke saath saamane na aa jaen. is samay poora desh jis prakaar se angrezon ke viruddh ekajut hua tha vaisa 1857 ke baad isake pahale kabhee nahin hua tha. bhaarat mein angrejee sena ke kamaandar-in-cheeph ne yah likha ki agar hamen bhaarat mein rahana hai to ise 1857 kee tarah dubaara jeetana hoga aur usake lie mujhe ek laakh yooropeey sipaahee chaahie. unaka yah bhee maanana tha ki ab angrejon kee bhaarateey sena mein jo bhaarateey aphasar the, ve sabhee raashtravaadee the ya ho chuke the. is pustak mein aise kaee tathyon ko saamane laaya gaya hai jo ab tak phailon mein dhool kha rahe the aur itihaas kee kitaabon mein unakee charcha nahin kee gaee. udaaharan ke taur par 1939 mein ek gupt kraantikaaree em sangathan banaaya jaana, netaajee kee hatya ke prayaas, aazaad hind phauj ke guptacharon ke abhiyaan, aazaad hind phauj ke bahaaduron ko veerata ke tamage pradaan kiya jaana, pravaasee bhaarateeyon mein ek rehadee vaale se lekar karodapati tak ke die gae balidaan aadi ka ullekh kiya gaya hai. isake alaava, kis prakaar javaaharalaal neharoo ne laard veval aur mauntabetan ke kahane par aazaad hind phauj ke logon ka niraadar kiya, kis prakaar janata ko dhokhe mein rakha gaya aadi vibhinn tathyon ka bhee jikr kiya gaya hai. aazaad hind dal aur aazaad hind baink ke mahatv, baal sena ka yogadaan aur netaajee ke sainik jeevan se jude kaee mahatvapoorn tathyon ko bhee saamane laaya gaya hai. netaajee ke antardhaan hone aur aajaad hind sarakaar ke khazaane se sambandhit rahasy se bhee parda uthaaya gaya hai. ummeed hai ki yah pustak vidyaarthiyon, shodhakartaon aur un sabhee ko jo netaajee, aajaad hind phauj tatha aajaad hind sarakaar ke vaastavik itihaas ko jaanana chaahate hain, pasand aaegee.